Dünyada koronavirus infeksiyasına yoluxanların sayı 40 milyon nəfəri ötüb.
Modern.az "Worldometer" saytına istinadla xəbər verir ki, ötən gün dünyada 278 640 nəfərdə COVİD-19 aşkarlanıb, ölənlərin sayı isə 3 167 nəfərdir.
Bununla da dünyada koronavirusa yoluxanların sayı 40 217 739, vəfat edənlərin say isə 1 117 363 nəfərə yüksəlib.
Qeyd edək ki, martın 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
