Xankəndinin hərbi xəstəxanası və digər tibb müəssisələri hazırda cəbhənin müxtəlif istiqamətlərindən gələn yaralı erməni əsgərlərinin axınının öhdəsindən gələ bilmirlər.
Modern.az xəbər verir ki, bu barədə "haqqin.az" öz mənbələrinə istinadən məlumat yayıb.
Məlumata görə, Ermənistan silahlı qüvvələri Azərbaycan Ordusunun irəliləyən qüvvələri ilə eyni anda üç istiqamətdə - şimal, şimal-şərq və cənub istiqamətində müdafiə döyüşləri aparır.
Qeyd olunur ki, dərman və digər tibbi ləvazimatlarla yanaşı, ağır yaralıları Yerevana çatdırmaq üçün təcili yardım maşınları və nəqliyyat vasitələri də çatışmır.
