Milli Məclisin deputatı Məzahir Əfəndiyevin adına saxta sosial şəbəkə hesabı açılıb.
Modern.az xəbər verir ki, deputat məsələ ilə bağlı bunları deyib:
«Bəyan edirəm ki, mənim adıma olan şəxsi «Facebook» səhifəm kiber hücuma məruz qalıb və bundan istifadə edilərək adıma saxta «İnstagram» səhifəsi də açılıb.
Bu baxımdan mənim adımdan «Facebook» və yaxud digər sosial şəbəkələrdən yollanan hər bir elektron məktub, edilən paylaşımlar əsassızdır. Hər kəsi diqqətli olmağa və bu məlumatı nəzərə almağa çağırıram».
