"Liverpul" İngiltərə Çempionatının 15-ci turunda öz meydançasında "Vest Bromviç"lə heç heçə oynayıb. Görüş 1:1 hesabı ilə başa çatıb.
Modern.az xəbər verir ki, meydança sahibləri tərəfindən qolu Sadio Mane (12-ci dəqiqə), qonaqlar tərəfindən isə Semi Acayi (82) vurub.
"Liverpul" ölkə Premyer Liqasında artıq 11-ci dəfədir ki, məğlub olmur və turnir cədvəlinə 32 xalla başçılıq edir. "Vest Bromviç" 8 xalla 19-cu pilləsində qərarlaşıb, komanda ardıcıl beş son oyunda qalib gələ bilmir. Növbəti turda Yurgen Kloppun yetirmələri dekabrın 30-da səfərdə "Nyukasl"la oynayacaq, "Vest Bromviç" isə bir gün əvvəl "Lids"i qəbul edəcək.
Günün digər qarşılaşmalarında "Lids" "Bernli" ilə 1:0, "Vest Hem" "Brayton"la 2:2 hesabları ilə oyunları başa çatdırıblar.
