Fransanın koronavirus pandemiyasından ən çox ziyan görən 15 departamentində komendant saatının müddəti uzadılıb.
Modern.az xəbər verir ki, bunu Fransa hökumətinin rəsmi nümayəndəsi Qabriel Attal bildirib.
Beləliklə, 2 yanvar tarixindən etibarən ölkədə komendant saatı saat 20:00-da deyil, yerli vaxtla 18:00-da başlayacaq. Bu tədbirlər əsasən Dənizkənarı Alplar, Myort və Mozel, Sona və Laura, Mozel departamentlərini əhatə edəcək.
“Bu, çətin bir qərardır. Bir həftə sonra 15 departamentdə genişləndirilmiş komendant saatının təsirini araşdıracağıq”, - deyə Attal “TF1” telekanalına verdiyi müsahibədə qeyd edib.
Bununla yanaşı, o, virusun yayılmaqda davam etməsi ilə əlaqədar mədəniyyət müəssisələrinin işinin bərpa olunacağını istisna edib.
