Polisin saxla əmirinə tabe olmayan avtobus Sumqayıtda saxlanılıb.
Modern.az xəbər verir ki, bunu Trend-ə açıqlamasında Sumqayıt Şəhər İcra Hakimiyyətinin mətbuat katibi Eyvaz Qocayev bildirib. Onun sözlərinə görə, sosial şəbəkələrdə avtobusun qaçırıldığı və Sumqayıt Nəqliyyat İdarəsinə aid olduğu deyilsə də, bu belə deyil:
“Sosial şəbəkələrdə Sumqayıtda sərnişin avtobusunun qaçırılması ilə bağlı paylaşımlar edilir. Məlumat üçün bildirim ki, qeyd olunan avtobus Sumqayıt Nəqliyyat İdarəsinə aid deyil. Avtobus sürücüsü polis əməkdaşları tərəfindən saxlanılıb”.
E.Qocayev qeyd edib ki, avtobusun içərisində sərnişin olmayıb.
00:12
Sumqayıtda avtobus sürücüsü yol polisinin “Saxla” əmrinə tabe olmayıb.
Modern.az apa-ya istinadla xəbər verir ki, YPX əməkdaşları tərəfindən avtobus sürücüsünə “Saxla” əmri verilib. Lakin o, polisin əmrinə tabe olmayıb və hərəkəti davam etdirib. Yüksək sürətlə şəhərin yolları ilə şütüyən avtobusu saxlamaq üçün Sumqayıt Dövlət Yol Polisi əməkdaşları maneə yaradaraq istəklərinə müvəffəq olublar. İlkin ehtimala görə, sürücü içkili olub və avtobusun Bakı Nəqliyyat Agentliyinə məxsus olduğu bildirilir.
Sürücü polis əməkdaşları tərəfindən saxlanılıb, araşdırma aparılır.
00.07
Sumqayıtda sərnişin avtobusu qaçırılıb.
Modern.az xəbər verir ki, bu barədə sosial şəbəkələrdə video paylaşılıb.
Videodan avtobusun yüksək sürətlə hərəkət etdiyi, polis maşınlarının onun ardınca düşdüyü görünür.
İddialara görə, avtobusda sürücüdən başqa konduktor da olub.
