İspaniya La Liqasının 22-ci turunda “Barselona” səfərdə “Real Betis”lə qarşılaşıb.
Modern.az xəbər verir ki, matçda ilk qolu 38-ci dəqiqədə ev sahiblərinin oyunçusu Borja İqlesias vurub.
Oyunun ikinci hissəsinin 57-ci dəqqiqəsində meydana çıxan Lionel Messi iki dəqiqə sonra tarazlığı bərpa edib – 1:1.
68-ci dəqiqədə “Betis”in oyunçusu Viktor Ruiz avtoqolla yadda qalıb. Komandasını hesabda geridə qoyan Ruiz 7 dəqiqə sonra bərabərlik qolunu vurub – 2:2.
Matçın 87-ci dəqiqəsində “Barselona” Fransisko Trinkaonun qolu ilə yenidən önə çıxıb.
Oyun “Barselona”nın 3:2 hesablı qələbəsi ilə başa çatıb.
Qeyd edək ki, bu qələbə ilə aktivinə növbəti 3 xalı yazdıran “Barselona” 43 xalla turnir cədvəlində yenidən 2-ci pilləyə yüksəlib. "Real Betis" isə 30 xalla 7-ci pillədə qərarlaşıb.
T.İSMAYIL
