"Test istənilən ştammı müəyyən edir. Ola bilər ki, test verən zaman nəticə neqativ olsun ya da testin cavabından bir gün sonra simptomlar əmələ gəlsin və test müsbət göstərsin".
Modern.az xəbər verir ki, bunu Azərbaycan Prezidentinin köməkçisi Şahmar Mövsümov koronavirusun "Britaniya ştammı”na yoluxmuş 3 nəfərin təyyarəyə hansı şəkildə mindiyinə dair sualı cavablandırarkən bildirib.
O deyib ki, “Britaniya şatammı”nın hər hansı bir ölkə tərəfindən qarşısının alınması qeyri-mümkündür:
“Çünki ştammlar bütün dünyaya yayılır. Necə ilkin ştam yayılıb, digərləri də yayılacaq. Hətta fantastik bir şey də deyim ki, "Britaniya ştammı”na uyğun olaraq yerli “Azərbaycan ştammı”da yayıla bilər”.
