"Kvemo Kartli bölgəsində ənənəvi Novruz bayramı sabah genişmiqyaslı tədbirlərlə qeyd olunmayacaq".
Modern.az Gürcüstan mediasına istinadla xəbər verir ki, bu barədə Kvemo Kartli qubernatoru Şota Rexviaşvili açıqlama verib.
Onun sözlərinə görə, Kvemo-Kartli bölgəsində yaşayan azərbaycanlılar artıq ikinci ildir ki, pandemiya üzündən Novruz Bayramını qeyd etmirlər və bununla da yüksək dövlət yanaşması və vətəndaş məsuliyyəti nümayiş etdirirlər:
"Biz ənənəvi olaraq Novruz Bayramını genişmiqyaslı tədbirlər ilə qeyd edirik, lakin ikinci ildir ki, pandemiya və mövcud qaydalar səbəbindən bu tədbirləri keçirə bilmirik. Yerli sakinlərimizlə daim ünsiyyətdəyəm və onlar bu problemdən tamamilə xəbərdardırlar. Vətəndaşlar məsələni anlayışla qarşılayır və heç bir inciklik, ürək ağrısı yoxdur. Onları Novruz Bayramı münasibətilə təbrik etmək və bir daha təşəkkür etmək istəyirəm", - deyə qubernator bildirib.
Qeyd edək ki, bu gün 21 mart saat 14:00-da, Marneulidə yerli əhalinin təşkilatçılığı ilə bayram şənliyi qeyd olunacaq.
