"Avropalı Gürcüstan" partiyası hakim partiyanı parlamentin Diaspora komitəsinin nəznində milli azlıqlar üzrə şura yaratmasına, həmçinin ölkənin etnik azərbaycanlı icmasının Novruz bayramı günü, 21 mart tarixində bir günlük komendant saatının ləğvi barədə xaişini yerinə yetirməməsinə görə tənqid edib.
Modern.az xəbər verir ki, bu barədə partiyanın rəsmi "Facebook" səhifəsində paylaşım edilib. Bəynatda bildirilir ki, hakim "Gürcü Arzusu" partiyası Diaspora komitəsinin tərkibində milli azlıqların məsələləri üzrə şura yaratmaqla yanlış bir addım atıb:
"Heç bir Gürcüstan vətəndaşı diasapora ola bilməz, çünki onlar etnik kimliklərindən aslı olmayaraq, bizim ictimaiyətimizin ayrılmaz bir hissələridilər. Müvafiq olaraq, parlamentin bu qərarı onların yanlış davranışının məhsuludur. Bu qərar Gürcüstanın bütün vətəndaşlarını bərabər olaraq hesab etmir. Gürcü Arzusu hakimiyyətə gəldiyi gündən etibarən, ölkədə etnik və dini nifaq yaradan qrupları qoruyur və gücləndirir. Buna görə də bu kontekst, diaspora komitəsinin balansında belə bir şuranın yaradılması narahatlıq doğurur.
Ölkənin etnik azərbaycanlı əhalisinin Novruz bayramını layiqli şəkildə qeyd etmək üçün etdikləri müraciətə verilən yox cavabı elə bu hakimiyyətin mövqeyini göstərir. Bayramı layiqincə qeyd etmək üçün, ölkədə qüvvədə olan hərəkət məhdudiyyətini müvəqqəti olaraq ləğv etmək lazım idi. Hansı ki, hakimiyyət belə bir addımı çoxluqda olan qrup üçün etmişdi, ancaq azlıqda olan qrup üçün bunu etməyi istəmədi.
Hakimiyyət futbol matçına getmək istəyənlərə hərəkət icazəsi verir, ancaq eyni şeyi Gürcüstanda 21 mart tarixində bu bayramı (Novruzu) qeyd edən yüz minlərlə vətəndaşına icazə vermir. Bu bayram əsrlərdir ki, ölkəmizdə qeyd edilir. Gürcü Arzusunun bu qərarı bir tərəfdən vətəndaş hüquqlarını və ictimai asayişi pozur, digər tərəfdən isə Gürcüstanın süverenliyinə təhlükə yaradır və ölkəmizin düşmənlərinə provokasiya yaratmaq üçün əlverişli imkanlar verir", - deyə partiyanın bəyanatında bildirilir.
