İspaniya La Liqasının 28-ci turunun "Real Sosyedad" - "Barselona" oyunu ikincilərin kapitanı Lionel Messi üçün əlamətdar olub.
Modern.az xəbər verir ki, Kataloniya təmsilçisinin heyətində 768-ci dəfə meydana çıxan argentinalı futbolçu matç sayına görə keçmiş komanda yoldaşı Xavi Ernandesin rekordunu (767) qırıb.
Bununla da Messi "Barselona"nın tarixinə düşüb.
Xatırladaq ki, Lionel Messi 2004-cü ildən "Barselona"nın əsas komandasında çıxış edir.
Qeyd edək ki, "Real Sosyedad" - "Barselona" matçı ikincilərin 6:1 hesablı qələbəsi ilə başa çatıb. Lionel Messi bu tarixi oyununda 2 qol, 1 asistlə yadda qalıb.
T.İSMAYIL
