Rusiya Prezidenti Vladimir Putin sabah – martın 23-də koronavirusa qarşı peyvənd olunmaq istədiyini bəyan edib.
Modern.az RİA Novosti-yə istinadən xəbər verir ki, prezident könüllü şəkildə vaksin vurdurmaq arzusunda olduğunu açıqlayıb.
“Peyvənd olunmaq əlbəttə ki, hər bir insanın könüllü seçimi, hər bir şəxsin şəxsi qərarıdır. Yeri gəlmişkən, bunu sabah özüm də etmək niyyətindəyəm”, - deyə Putin koronavirus probleminə həsr olunmuş videokonfrans formatındakı iclasda bildirib.
Prezidentin hansı vaksini seçəcəyinə gəlincə, Putinin mətbuat katibi Dmitri Peskov deyib ki, seçim üç yerli vaksindən biri olacaq: “Hamısı yaxşı və etibarlıdır".
Rusiyada hələlik Qamaley adına mərkəzin hazırladığı "Sputnik V", Novosibirskdəki Vektor elmi mərkəzinin məhsulu olan "EpiVakKorona" və Çumakov adına mərkəzin "KoviVak" vaksinləri dövlət qeydiyyatından keçib.
