Bakıda bir neçə nəfərin xəsarət alması ilə nəticələnən yol-nəqliyyat hadisəsi baş verib.
Modern.az xəbər verir ki, hadisə Səbail rayonunda qeydə alınıb.
Belə ki, Yeni Salyan yolu 22 ünvanında iki avtomobilin toqquşması nəticəsində 1976-cı il təvəllüdlü Məmmədova Nazilə Adil qızı, 1995-ci il təvəllüdlü Məmmədov Asim Əliyar oğlu və 1988-ci il təvəllüdlü Həsənov Yasər Elman oğlu xəsarət alıblar.
Yaralılar təcili tibbi yardım briqadasının köməkliyi ilə xəstəxanaya çatdırılıblar. N.Məmmədovaya başın yumşaq toxumalarının əziyi, A.Məmmədova əlin əzilmiş yarası, Y.Həsənova isə qapalı kəllə-beyin travması diaqnozları qoyulub.
