Qadın voleybolçulardan ibarət Azərbaycan yığması bu gün növbəti oyununu keçirib.
Modern.az xəbər verir ki, millimiz AVRO-2021-də son matçına çıxıb.
Keçirdiyi ilk dörd qarşılaşmada uduzan millimiz Fransa ilə qarşılaşıb. AVRO-2021-də mübarizəni davam etdirmək şansı qalmayan komandamız üçün formal xarakterli matç da uğursuz alınıb. Millimiz yenə görüşdən xalsız ayrılıb. Voleybolçularımızın 5 matçda qazancı isə cəmi 1 set olub.
Beləliklə, komandamız A qrupunun oyunlarının keçirildiyi Serbiyada yarışla vidalaşaraq Bakıya xalsız qayıdır.
Qeyd edək ki, millimiz tarixində 9-cu dəfə qitə çempionatının final mərhələsinə qatılıb.
