Tibbi Ərazi Bölmələrini İdarəetmə Birliyinin (TƏBİB) İctimaiyyətlə ələqələr, kargüzarlıq və vətəndaş müraciətləri ilə iş departamentinin rəhbəri vəzifəsinə hələ ki təyinat yoxdur.
Bunu Modern.az-a açıqlamasında TƏBİB rəsmisi Elnarə Baxışova bildirib.
E.Baxışova deyib ki, A.Əliyeva yeni vəzifəyə təyin olunduğundan, TƏBİB-dəki vəzifəsindən azad edilib.
Qeyd edək ki, Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclasında Agentliyin icraçı direktoru vəzifəsinə Aygün Əliyevanın namizədliyi irəli sürülüb. Müşahidə Şurasının üzvləri məsələyə münasibət bildirərək, A.Əliyevanın namizədliyini yekdilliklə dəstəkləyiblər.
