Türkiyənin İstanbul şəhərində yanğın nəticəsində 4 uşaq ölüb.
Modern.az xarici KİV-ə istinadən xəbər verir ki, Esenyurt rayonunda binanın zirzəmisində baş verən yanğın nəticəsində 4 uşaq ölüb, 2 nəfər yaralanıb.
Məlumata görə, yanğın binanın zirzəmisindəki elektrik qızdırıcısından başlayıb.
Hadisə yerinə polis, təcili tibbi yardım və xilasedici heyətlər cəlb olunub. Yanğından xilas edilən bir qadın və uşaq isə yaralı halda xəstəxanaya çatdırılıb. Hadisə ilə bağlı araşdırma aparılır.
