Artıq Yeni ilə sayılı günlər qalıb. Bu günlərdə paytaxt sakinlərini düşündürən suallardan biri də bayram ərəfəsində qarın yağıb-yağmayacağı ilə bağlıdır.
Modern.az-ın bununla bağlı sorğusuna cavab olaraq ETSN Hidrometeoroloji Proqnozlar Bürosunun direktoru Gülşad Məmmədova bildirib ki, hələ Yeni ilə çox var və bu səbəbdən proqnoz verə bilmirlər:
“Uzunmüddətli proqnoz verdikdə çox zaman özünü doğrultmur. Bu səbəbdən heç nə deyə bilmirik. Amma yaxın 2-3 gün ərzində qarın yağacağı gözlənilmir. Digər günlər barədə dəqiq bir söz deyə bilmirik”.
