Kliniki Tibbi Mərkəzdə yeni kadr təyinatı olub.
Mərkəzdən Modern.az-a verilən məlumata görə, uzman-cərrah Fariz Hüseynov Kliniki Tibbi Mərkəzdə fəaliyyətini davam etdirəcək.
Məlumata əsasən uzman Dr. F.Hüseynov artıq Cərrahiyyə şöbəsinin ümumi cərrahı vəzifəsinə təyinat alıb.
F.Hüseynov 1986-cı il mayın 20-də Əli Bayramlı şəhərində anadan olub. 1993-2004-cü illərdə şəhərin 2 saylı tam orta məktəbində təhsil alıb.
2004-2010-cu illərdə Azərbaycan Tibb Universitetinin Müalicə-profilaktika fakültəsinə daxil olaraq, həkim-terapevt ixtisasına yiyələnib. Elə həmin ildə Şirvan şəhəri Mərkəzi Xəstəxanasında Kardiologiya üzrə internatura təhsilinə başlayıb və 2011-ci ildə oranı bitirərək həkim-kardioloq ixtisasını alıb.
2014-2020-ci illərdə Türkiyənin Ankara Yıldırım Beyazit Universitetində təhsilini davam etdirərək ümumi cərrahiyyədə uzman həkim adını alıb.
2021-ci il il mart ayından iyun ayına qədər Fövqəladə Hallar Nazirliyinin Tibb Mərkəzinin Modul Tipli Hospitalında, daha sonra "Yeni Klinika"da ümumi cərrah olaraq çalışıb.
