Kliniki Tibbi Mərkəzdə yeni kadr təyinatı olub
Mərkəzdən Modern.az-a verilən xəbərə görə, həkim-uroloq Mirhikmət Qiyasov Urologiya şöbəsinin həkim-uroloqu vəzifəsinə təyinat alıb.
Qiyasov Mirhikmət Mirqasım oğlu 1990-cı il noyabrın 7-də Masallı rayonunun İskəndərli kəndində anadan olub. 1997-ci ildə kəndin orta məktəbində ibtidai təhsilə başlayıb. 2004-cü ildə Masallı şəhər Dəfinə liseyində orta təhsilini davam etdirərək 2008-ci ildə oranı bitirib.
2008-2014-cü illərdə Azərbaycan Tibb Universitetinin (ATU) Müalicə-profilaktika I fakültəsində təhsil alıb. 2014-2019-cu illərdə Urologiya üzrə rezidentura təhsilini ATU-nun Tədris Cərrahiyyə Klinikasında qazanıb.
Türkiyənin Urfa şəhərinin Harran Universitetində və Malatya şəhərinin İnönü Universitetində, eləcə də Almaniyanın şəhər klinikalarının birində hospitasiyada olub.
2020-2021-ci illərdə Masallı Bioloji Təbabət Klinikasında həkim-uroloq kimi fəaliyyət göstərib.
