Xaricdə doğulan vətəndaşlarımız orada verilmiş doğum haqqında şəhadətnamədə ad, soyad, ata adının dəyişdirmək üçün yaşadığı yer üzrə qeydiyyat şöbəsinə müraciət etməlidirlər.
Modern.az xəbər verir ki, bunu Ədliyyə Nazirliyinin Qeydiyyat və Notariat Baş İdarəsinin əməkdaşı Nahid Səfərli “Adın, ata adının, soyadın dəyişdirilməsi” mövzusunda onlayn brifinqdə deyib.
O bildirib ki, müraciətdən sonra şəxsin doğumu qeydiyyata alınan ölkəyə onun doğum tarixi ilə bağlı müvafiq sorğu göndərilir:
“Sorğuya əsasən, akt əldə olunduqdan sonra dəyişiklik aparılır. Dəyişiklik edilməsi barədə xarici ölkəyə müvafiq bildiriş göndərilir”.
