Kiyev yaxınlığında Ramzan Kadırovun çeçen dəstələri yerləşdirilib ki, geri çəkilən Rusiya əsgərlərini döyüş zonasına qaytarsınlar.
Modern.az xəbər verir ki, bunu “Uaraz” telemarafonunun efirində Ali Radanın Milli Təhlükəsizlik və Müdafiə Komitəsinin üzvü Fyodor Venislavski deyib.
"İşğalçı qüvvələrdə belə dəstələrinin yaradıldığı barədə məlumatlar var. Yəni Stalinin və Hitlerin döyüş üsulları təkrarlanır", - Venislavski bildirib.
Onun sözlərinə görə, Kadırovun belə dəstələri hazırda Kiyev istiqamətindədir. Onlar Ukrayna Silahlı Qüvvələri ilə hərbi toqquşmalardan yayınan Rusiya hərbçilərini geri qaytarmağa çalışırlar.
