Bu ilin yanvar və fevral aylarında Çində yığılan avtomobillərin ixracının həcmi 412 min ədəd təşkil edib. Bu da 2021-ci ilin eyni dövrü ilə müqayisədə 75 % çoxdur.
Modern.az xəbər verir ki, bunu “Sinxua” agentliyi Çin Avtomobil Sənayesi Assosiasiyasının məlumatına istinadən verib.
Məlumata görə, bu ilin ilk iki ayında minik avtomobillərinin ixracı illik ifadədə 84 % artaraq 331 min ədədə çatıb.
Təkcə fevral ayında Çində yığılmış 180 000 avtomobil xarici bazarlara çıxarılıb ki, bu da illik müqayisədə 60,8 % artım deməkdir. Lakin yanvar ayı ilə müqayisədə bu göstərici 29 % azalıb.
