Fransada keçirilən prezident seçkilərinin ilkin nəticələri açıqlanıb.
Modern.az xəbər verir ki, hazırki dövlət başçısı Emmanuel Makron 2022-2027-ci illərdə də Fransanın prezidenti olacaq.
İlkin nəticələrə görə, o səslərin 57,60%-ni qazanıb. Makronun tərəfdarları Eyfel qülləsinin ətəyində Champ de Marsda qələbəni qeyd etməyə başlayıblar.
Qeyd edək ki, seçki məntəqələrindən daxil olan ilkin məlumatlara görə, Emmanuel Makron 57,6 faiz, onun rəqibi, ifrat sağ təmayüllü “Milli Birlik” partiyasının lideri Marin Le Pen isə 42,4 faiz səs toplayıb. Səsvermə yerli vaxtla saat 20:00-da başa çatıb.
Fransa Konstitusiya Məhkəməsi seçkilərin rəsmi nəticələrini aprelin 27-də elan edəcək.
Akif İsmayılov
