"2022-ci ilin ilk 3 ayında Azərbaycanda 7051 nəfəri heyvan dişləyib".
Modern.az xəbər verir ki, bunu Səhiyyə Nazirliyinin Respublika Gigiyena və Epidemiologiya Mərkəzinin Xüsusi Təhlükəli İnfeksiyalar şöbəsinin müdiri Ceyran Cəfərova sualları cavablandırarkən deyib.
"Ötən ilin ilk 3 ayı ərzində bu rəqəm 7361 idi. Pişik cırmaqlaması ilə bağlı 672 nəfər müraciət edib ki, bu, 2021-ci ilin müvafiq dövründə 582 idi. 2022-ci ilin ilk 3 ayı ərzində siçovul dişləməsi ilə bağlı 99 nəfər müraciət edib. Ən çox dişləmələrə məruz qalanlar 18 yaşdan yuxarı kişilər olub", - C. Cəfərova vurğulayıb.
