“İşə götürülən şəxs əmək müqaviləsi bağladığı andan məzuniyyət hüququ əldə edir”.
Modern.az xəbər verir ki, bu barədə Dövlət Əmək Müfəttişliyi Xidmətinin Dağlıq Şirvan regional şöbəsinin rəisi Sirac Hümbətov “Sosial saat”da sualları cavablandırarkən deyib.
O qeyd edib ki, işçi məzuniyyət hüququndan 6 ay sonra istifadə edə bilər:
“Əmək məzuniyyətinin zamanı müəyyənləşdirilibsə, işçi və işəgötürənin qarşılıqlı razılığı və ya işçinin ərizə ilə müraciəti əsasında başqa vaxta saxlanıla bilər. Məzuniyyətlər rəsmi olaraq işəgötürənin əmri ilə müəyyənləşdirilir. İşəgötürən işçilərin çalışma qrafikini ilin əvvəlində müəyyən edir. İşçi işəgötürənə ərizə ilə müraciət etdikdə məzuniyyət verilmirsə, bu, hüquq pozuntusudur. Mütləq şəkildə məzuniyyət verilməlidir. Bu, işəgötürənin borcudur”
