"Bakının bulvar ərazisində mütəmadi şəkildə qrunt sularının sızmasını müşahidə edirik".
Modern.az xəbər verir ki, bu barədə Xəzər Kompleks Ekoloji Monitorinq İdarəsinin rəisi Nazim Mahmudov "Ekspert saatı"nda məlumat verib.
Qurum rəhbəri qeyd edib ki, həmin ərazilərdə tullantı sularının axıdılması müşahidə ediləndə qarşısı alınır:
"Son günlər sosial şəbəkələrdə Xəzərə çirkli suların axıdıldığı iddia edilir. Əraziyə baxış keçirilib və araşdırılıb. Həmin axıntılar qrunt sularıdır. Bununla bağlı aidiyyəti üzrə laborator analizlər götürülüb".
