Təhsil müəssisələrinə tibbi personalın təhkim olunması məsələsi ilə bağlı aidiyyəti qurumlarla danışıqlar aparılır.
Modern.az xəbər verir ki, bunu TƏBİB-in İctimaiyyətlə əlaqələr və tədbirlər şöbəsinin müdiri Zamirə Ədilova deyib.
Z.Ədilova bildirib ki, məktəblərdə şagirdlərin fiziki və psixoloji sağlamlığı diqqət mərkəzindədir:
"Bu yaxında Təhsil Nazirliyi və TƏBİB arasında əməkdaşlıq əlaqələrinə dair görüş keçirilib. Görüşdə orta və ümumtəhsil məktəblərində, eləcə də ali təhsil müəssisələrində tibbi xidmətlərin təşkili, yeni, müasir tələblərin müəyyən edilməsi, tibb məntəqələrinin sayının artırılması, tibbi maarifləndirmə tədbirlərinin həyata keçirilməsi, ixtisaslı mütəxəssislər tərəfindən uşaqların mütəmadi müayinəsinin həyata keçirilməsi, aşkar edilən xəstəliklər üzrə qruplar formalaşdırılaraq hər qrup üçün xüsusi proqramların hazırlanması, onların vaxtında müalicəyə cəlb edilməsi məsələləri müzakirə olunub".
