Hazırda Rusiya Prezidenti Vladimir Putinlə Ukrayna Prezidenti Volodimir Zelenski arasında görüşün keçirilməsi üçün zəmin yoxdur.
Modern.az TASS-a istinadən xəbər verir ki, bu barədə Kremlin mətbuat katibi Dmitri Peskov Türkiyə Prezidenti Rəcəb Tayyib Ərdoğanın görüşlə bağlı təklifinə münasibət bildirərkən deyib.
O, danışıqların nümayəndə heyətlərinin görüşündən sonra mümkün ola biləcəyini söyləyib.
Qeyd edək ki, Türkiyə lideri Rəcəb Tayyib Ərdoğan Soçiyə səfəri zamanı Rusiya Prezidenti Vladimir Putinə Ukrayna dövlət başçısı ilə görüşməsini təklif edib.
