Azərbaycan yığması UEFA Millətlər Liqasının C Divizionunda 3-cü qrupun V tur matçında Slovakiyanın qonağı olub.
Modern.az xəbər verir ki, Trnava şəhərindəki Anton Malatinski stadionunda oynanılan qarşılaşma Azərbaycanın 2:1 hesablı qələbəsi ilə başa çatıb.
Tarixində ilk dəfə səfərdə Slovakiyaya qalib gələn Azərbaycan bu nəticə ilə xallarını 7-yə çatdırıb və 2-ci pilləyə yüksəlib. 6 xalı olan Slovakiya isə 3-cü sırada qalıb.
Qeyd edək ki, millimiz qrupda sonuncu oyununu sentyabrın 25-də Bakıda Qazaxıstana qarşı keçirəcək.
***
23:30
UEFA Millətlər Liqasının C Divizionunda Slovakiya və Azərbaycan yığmaları arasında matçda hesab açılıb.
Modern.az xəbər verir ki, Renat Dadaşov 44-cü dəqiqədə rəqibin qapısına yol tapıb.
Beləliklə, komandamız fasiləyə üstünlüklə yollanıb.
***
22:45
UEFA Millətlər Liqasının C Divizionunda Slovakiya və Azərbaycan millilərinin görüşü başlayıb.
Modern.az xəbər verir ki, Trnava şəhərindəki Anton Malatinski stadionunda keçirilən qarşılaşma Bakı vaxtı ilə saat 22:45-də start götürüb.
Görüşü şotlandiyalı FIFA referisi Uilyam Kollam idarə edir.
Qeyd edək ki, bu qrupun digər oyununda Qazaxıstan evdə Belarusa 2:1 hesabı ilə qalib gələrək, sona bir tur qalmış B Liqasına vəsiqəni təmin edib.
