Arxiv
23 Sentyabr 2022, 18:15 | AKTUAL
Çoxtərəfli əməkdaşlıq və işgüzar dialoq üçün səmərəli platforma
Çoxtərəfli əməkdaşlıq və işgüzar dialoq üçün səmərəli platforma

AZƏRTAC Şanxay Əməkdaşlıq Təşkilatının fəaliyyətini geniş və hərtərəfli işıqlandırdığına görə təşkilatın xüsusi təşəkkürnaməsinə layiq görülüb

 

Dünyadakı mürəkkəb geosiyasi vəziyyət, iqtisadi qeyri-müəyyənlik, ərzaq qıtlığının yaranması təhlükəsi, sülh və sabitliyin təminatı kimi qlobal çağırışlar beynəlxalq və regional təşkilatların daha fəal rol oynamasını zəruri edir. AZƏRTAC-ın müxbiri bu kontekstdə həm təhlükəsizlik, həm də iqtisadi inkişaf sahələrində mühüm platformalardan biri olan Şanxay Əməkdaşlıq Təşkilatının (ŞƏT) roluna və Azərbaycanın ŞƏT ilə genişlənən əməkdaşlığının bəzi aspektlərinə nəzər salır.

 

2001-ci ildə Çin, Rusiya, Qazaxıstan, Qırğızıstan, Özbəkistan və Tacikistanın iştirakı ilə Şanxayda təsis edilən təşkilata sonradan Pakistan və Hindistan kimi böyük ölkələr də qoşulub. ŞƏT-ə üzv ölkələrin ötən həftə Özbəkistanın Səmərqənd şəhərində keçirilmiş Zirvə toplantısında isə İranın quruma tamhüquqlu üzv qəbul olunması prosesinə start verilib. Bundan başqa, qurumun üç müşahidəçi üzvü, habelə Azərbaycan və Türkiyə də daxil olmaqla 9 dialoq tərəfdaşı var. Daha bir neçə ölkə dialoq tərəfdaşı almaq üçün müraciət edib.

 

Dünyanın ən böyük regional qurumu kimi ŞƏT üzvü olan ölkələrin Avrasiya ərazisinin təxminən 60 faizini, dünya əhalisinin 40 faizini, qlobal ümumi daxili məhsulun 25 faizini təmin etdiyini nəzərə alsaq, dünyada cərəyan edən siyasi proseslər, müxtəlif dövlətlər arasında qarşıdurmalar, ikili standartlar fonunda Şanxay Əməkdaşlıq Təşkilatının nə dərəcədə vacib quruma çevrildiyini təsəvvür etmək çətin deyil.

 

Təbii ki, Şanxay Əməkdaşlıq Təşkilatında əhali sayına görə dünyada birinci, iqtisadiyyatın həcminə görə ikinci olan Çinin xüsusi çəkisi var. ÇXR özünün iqtisadi potensialı ilə ŞƏT çərçivəsində iqtisadi və ticari, humanitar əməkdaşlığın genişlənməsində aparıcı amil olaraq qalır. Belə ki, Çinin 2021-ci ildə Şanxay Əməkdaşlıq Təşkilatına üzv ölkələrlə ticarət dövriyyəsi 40 faiz artaraq, 343 milyard ABŞ dollarına çatıb.

 

Beynəlxalq və regional təşkilatlarda fəal iştirak edən Azərbaycanın da son illər ŞƏT ilə əlaqələri genişlənir. Azərbaycana dialoq tərəfdaşı statusunun verilməsinə dair qərar təşkilatın 2015-ci ilin iyulunda Ufada keçirilən Zirvə görüşündə qəbul edilib. Ölkəmiz ilə təşkilat arasında mövcud əməkdaşlıq sahələri 2016-cı ildə tərəflər arasında imzalanmış memorandumda öz əksini tapıb. Ötən müddətdə Azərbaycan təşkilat çərçivəsində keçirilən müxtəlif tədbirlərdə fəal iştirak edib. Xüsusi qeyd etmək lazımdır ki, 2018-ci ildə qurumun Pekindəki katibliyində Heydər Əliyev Fondunun təşkilatçılığı ilə Azərbaycan mədəniyyəti günü, “Nizami Gəncəvi İli” çərçivəsində ötən ilin mayında “Nizami Gəncəvi – bütün bəşəriyyətin şairi” adlı tədbir keçirilib. Heydər Əliyev Fondu Şanxay Əməkdaşlıq Təşkilatının katibliyinin binasında daimi nümayiş olunmaq üçün dahi şairin büstünü quruma hədiyyə edib. Səmərqənd sammitində Prezident İlham Əliyevin fəxri qonaq statusunda iştirakı isə Azərbaycanın ŞƏT ilə əməkdaşlığı daha yüksək səviyyəyə qaldırmasında maraqlı olduğunu göstərir.

 

Şanxay Əməkdaşlıq Təşkilatı ailəsindəki ölkələrin Çinin “Kəmər və Yol” strategiyasının əhatə dairəsində olması rəsmi Pekinin bu dövlətlərlə əməkdaşlığa marağını daha da artırıb. Bu kontekstdə Çin-Azərbaycan əlaqələrinin potensialı daha ümidvericidir. Tarixən mühüm ticarət yollarının üzərində yerləşən Azərbaycan müasir dövrdə də özünün iqtisadi potensialı, eləcə də nəqliyyat-logistika, tranzit imkanları ilə Avrasiya regionunda əməkdaşlıq üçün yeni imkanlar yaradır. Prezident İlham Əliyevin Azərbaycanın yerləşdiyi coğrafi mövqeyindən və iqtisadi imkanlarından səmərəli istifadə olunmaqla, beynəlxalq nəqliyyat-logistika dəhlizlərinin yaradılması istiqamətində illər əvvəl qəbul etdiyi düşünülmüş qərarların bəhrəsi getdikcə daha çox müşahidə olunur. Azərbaycan özünün nəqliyyat-logistika potensialını inkişaf etdirərək Avrasiyada yeni, alternativ dəhlizlərin yaranmasını təmin edib. Şimal-Cənub, Şərq-Qərb beynəlxalq nəqliyyat dəhlizlərinin fəaliyyəti istiqamətində görülmüş işlər Azərbaycanın tranzit ölkə kimi beynəlxalq yükdaşımalardakı mövqeyini möhkəmləndirir. Dövlətimizin başçısı Şanxay Əməkdaşlıq Təşkilatının Səmərqənd Sammitindəki çıxışında da bu məsələyə toxunaraq, Azərbaycanın Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin işə düşməsinə verdiyi sanballı töhfələri diqqətə çatdırıb, bu sahədə ölkəmizin genişlənməkdə olan imkanlarından danışıb. Prezident İlham Əliyev Qarabağ münaqişəsinin həllinin regionumuzda nəqliyyat-kommunikasiya layihələrinin inkişafı üçün yeni imkanlar yaratdığını vurğulayaraq, bu baxımdan Zəngəzur dəhlizinin önəmindən bəhs edib.

 

Azərbaycanın Şanxay Əməkdaşlıq Təşkilatı çərçivəsində iqtisadi əməkdaşlığının digər aspektlərinə də nəzər salaq. 2018-ci ildə Çinin Çindao şəhərində “Çin-Şanxay Əməkdaşlıq Təşkilatı iqtisadi və ticarət əməkdaşlığı nümayişi zonası” yaradılıb. Həmin zonada “Made in Azerbaijan” brendli qida məhsullarının təqdim olunduğu “Azərbaycan Ticarət Evi” fəaliyyət göstərir.

 

ŞƏT çərçivəsində humanitar sahədə əməkdaşlığa gəlincə, Azərbaycan bu istiqamətdə də fəallıq nümayiş etdirir. Heydər Əliyev Fondunun yuxarıda qeyd etdiyimiz layihələri dediklərimizin sübutudur. Bundan başqa, AZƏRTAC 2018-ci ildə Şanxay Əməkdaşlıq Təşkilatının Pekində keçirilmiş ilk Media Sammitində iştirak edib. AZƏRTAC-ın İdarə Heyətinin sədri, həmin vaxt Dünya Xəbər Agentlikləri Konqresinin və Asiya və Sakit Okean Ölkələri İnformasiya Agentlikləri Təşkilatının (OANA) prezidenti olan Aslan Aslanovun iştirakı ilə Forum çərçivəsində AZƏRTAC ilə Sinxua xəbər agentliyi arasında informasiya mübadiləsinə dair Əməkdaşlıq Sazişi imzalanıb. Habelə Çinin nüfuzlu “China Daily” qəzeti ilə əməkdaşlığın yaradılması məqsədilə qəzetin rəhbərliyi ilə məhsuldar görüş keçirilib.

 

Ümumilikdə ŞƏT çərçivəsində və “Kəmər və Yol” strategiyasında informasiya sahəsində tərəfdaşlığın əsas istiqamətlərindən biri təşkilatda təmsil olunan ölkələrin media qurumları arasında xəbər mübadiləsini intensivləşdirməkdir. 2019-cu ildə Pekində AZƏRTAC-ın da təsisçisi olduğu "Bir kəmər, bir yol" İqtisadi İnformasiya Tərəfdaşlığı platforması istifadəyə verilib. AZƏRTAC platformanın təsisçi-üzv statusuna malik olmaqla bu platforma üzərindən Azərbaycanın iqtisadi inkişafı, transmilli energetika və nəqliyyat layihələri, biznes və sərmayə mühiti, logistika potensialı, turizm infrastrukturu və digər mövzularda xəbərləri geniş auditoriyaya yaya bilir.

 

Daha bir diqqət çəkən fakt: Şanxay Əməkdaşlıq Təşkilatının fəaliyyətini geniş və hərtərəfli işıqlandırmasına, media məkanında təşkilatın düzgün imicinin təbliğində fəal iştirakına, gündəliyi daim diqqətdə saxlamasına görə AZƏRTAC ötən ilin sonunda ŞƏT-in xüsusi təşəkkürnaməsinə layiq görülüb.

BU KATEQORİYADAN OLAN DİGƏR XƏBƏRLƏR
+ Arxiv
modern.az modern.az modern.az
İran od tutub yanır - Xalq üsyanı genişlənir
“Hələ heç kimdən hədiyyə almamışam” - 76 yaşlı sabiq nazir 16:27, Bu gün Sergey Bodrovun qızı atasının yolunu seçdi - FOTO 16:14, Bu gün İranda güneyli fəal qadın saxlanılıb 16:06, Bu gün “Açıq mikrofon” tərtərli abonentlərin müraciətlərini səsləndirdi 16:02, Bu gün Bu il 2077 nəfər 600-dan yuxarı bal TOPLAYIB 15:58, Bu gün Duma Ukraynanın 4 vilayətinin ilhaqına dair sazişi təsdiqlədi 15:54, Bu gün Ermənistanın keçmiş baş naziri erməniləri müharibəyə çağırdı 15:50, Bu gün Stansiyaların iş rejimilə bağlı yeni QƏRAR 15:46, Bu gün Sərnişindaşıma ilə bağlı TƏKLİFLƏR HAZIRLANIR - Tapşırıq verildi 15:42, Bu gün Ulu Öndərin xidmətləri gənc nəslə örnəkdir 15:38, Bu gün Prezident təqaüdçüsü olan ağdamlı bacılar: “Biz həm də tələbə yoldaşıyıq” 15:34, Bu gün Sabiq rəisə cinayət işi açıldı – Pulla “işə” düzəldirmiş… 15:30, Bu gün Kürdəmirdə DƏHŞƏT - Müəllim arvadına 20 bıçaq vurdu - YENİLƏNİB 15:26, Bu gün Azərbaycan icması Toronto şəhərində piket keçirib 15:22, Bu gün İnam Kərimovdan yeni TƏYİNATLAR 15:18, Bu gün Qurban Qurbanovun aylıq maaşı MƏLUM OLDU  15:14, Bu gün BMU-nun tələbəsi Prezident təqaüdünə layiq görüldü 15:10, Bu gün Masallı xəstəxanasının direktoruna yeni vəzifə verildi 15:06, Bu gün İçərişəhərin Qala divarları vandalizm izlərindən təmizlənib 15:03, Bu gün Azərbaycan-İran sərhədində əməliyyat - FOTO 15:00, Bu gün Kolleclərin boş qalan yerlərinə qəbul nəticələri AÇIQLANDI 14:56, Bu gün Prezident təqaüdünə layiq görülənlərdən ikisi bacıdır 14:52, Bu gün 90 mindən çox uşaq məktəbəhazırlıq qruplarına cəlb olunub 14:44, Bu gün Ekspert nazirlə RAZILAŞMADI - "Qəbuldakı yüksək nəticə özəl sektorun hesabınadır" 14:40, Bu gün Əliyar Əliyevin şəhadət günü - Məzarı ziyarət olundu 14:36, Bu gün Londonda həmyerlimizin rəhbərlik etdiyi şirkət “İlin hüquq şirkəti” seçilib 14:32, Bu gün Elnur Məmmədli təltif edildi - SƏRƏNCAM 14:28, Bu gün Bakıda kibertəhlükəsizlik mövzusunda sammit keçirilib - FOTOLAR 14:24, Bu gün Böyük inkişafa aparan yolun başlanğıc tarixi 14:20, Bu gün Ömər Faiq Nemanzadənin yubileyi qeyd ediləcək 14:16, Bu gün Xanım jurnalistə AzTV-də vəzifə verildi 14:12, Bu gün Prezident onları TƏLTİF ETDİ 14:08, Bu gün ÜST Azərbaycanı “malyariyadan azad” ölkə kimi sertifikatlaşdıracaq 14:04, Bu gün “Böyük Qayıdış” Cəbrayıldan başlayıb 14:00, Bu gün “Müəllimlər sinif otaqlarını icarəyə götürür” - Deputat 13:56, Bu gün Ukraynada 239 uşaq itkin düşüb 13:52, Bu gün Bakı İrəvandan bunları tələb edir - Paşinyanın arvadının qəzeti 5 tələbi DƏRC ETDİ 13:48, Bu gün AFFA sabah millimizin baş məşqçisi ilə bağlı qərar verəcək 13:44, Bu gün Öldüyü deyilən Xamenei açılışda - FOTO 13:40, Bu gün