Rusiyanın İjevsk şəhərində orta məktəbə silahlı hücum terror aktıdır.
Modern.az xəbər verir ki, bunu Kremlin sözçüsü Dmitri Peskov bildirib.
"Prezident Vladimir Putinin hadisədən xəbəri var, baş verənlər sadəcə kədərlidir. Qeyri-insani hadisə Rusiyaya qarşı terror aktıdır. Hadisə ilə bağlı araşdırma aparılır, matəm elan olunub”,- deyə Peskov vurğulayıb.
Xatırladaq ki, bu gün Rusiyanın İjevsk şəhərində yerləşən 88 saylı məktəbdə atışma olub. Hadisə nəticəsində 13 nəfər ölüb. Onlardan 7-si məktəblidir. Bundan əlavə, 14-ü uşaq olmaqla daha 21 nəfər yaralanıb.
Hadisə ilə əlaqədar regionda matəm elan edilib.
