“Azərbaycanın 2020-ci ilin noyabrında qazandığı qələbə ədalətin qələbəsi idi”.
Modern.az xəbər verir ki, bunu Pakistanın Azərbaycandakı səfiri Bilal Xai ölkəmizin Vətən müharibəsində qələbəsinin ildönümü ilə bağlı açıqlamasında deyib.
“Bu, qeyri-qanuni işğalın uzun müddət davam edə bilməyəcəyinə və gec-tez işğalçının reallıqla üz-üzə qalacağına sübut idi”, - diplomat bildirib.
Səfir vurğulayıb ki, bu tarix Pakistanda da qeyd olunur:
“Azərbaycan bayraqları Pakistanda dalğalanır. Pakistan hökuməti və xalqı bu əlamətdar gündə bütün Azərbaycan xalqına uğurlar arzulayır. Pakistan bundan sonra da Azərbaycanın sülhün, sabitliyin təşviqi istiqamətində səylərini dəstəkləyəcək. Yaşasın Pakistan-Azərbaycan dostluğu!”.
