Modern.az

Direktor olmaq istəyənlər müsahibədən keçirilir

Direktor olmaq istəyənlər müsahibədən keçirilir

Aktual

7 Dekabr 2022, 12:42

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən şagird sayı 500-dək və direktor vəzifəsi hazırda vakant olan 331 nömrəli tam orta məktəbə direktor vəzifəsinə işə qəbul müsabiqəsinin müsahibə mərhələsi keçirilir.

 

Bu barədə Modern.az-a BŞTİ-dən məlumat verilib. Bildirilib ki, işə qəbul üzrə müsabiqənin test imtahanı mərhələsinin nəticələrinə əsasən, keçid balını toplamış 42 namizəd müsahibə mərhələsində iştirak etmək hüququ qazanıb. Cari il üzrə direktorların işə qəbul müsabiqəsinin test imtahanlarında müvafiq keçid balını toplamış 4 namizəd də müsahibə mərhələsində iştirak edə biləcək.

 

Qeyd edək ki, müsahibə zamanı namizədlərin vəzifə üzrə nəzəri bilikləri, idarəetmə bacarıqları və şəxsi keyfiyyətləri nəzərə alınır. Namizədlər hər meyar üzrə 5 ballıq şkala əsasında qiymətləndirilir.

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi