Gədəbəy rayonunda 17 yaşlı qızın 50 yaşlı kişiyə ərə verildiyi iddia edilib.

 

Modern.az xəbər verir ki, bu barədə məlumatlar sosial şəbəkələrdə yayılıb.

 

Lakin qızın 17 yox, 23 yaşında olduğu məlum olub.

 

Gənc qız 50 yaşlı Elfaq Şəkərbəyli ilə ailə həyatı qurub.

 

Oxu.Az-ın əldə etdiyi məlumata görə, E.Şəkərbəyli dörd dəfə evlənib-boşanıb. Bu, onun beşinci evliliyidir. Hazırda nişanlandığı 23 yaşlı qızla oğlunun nişanında tanış olub. Belə ki, kişi oğlunun nişanında gəlinin bacısını görüb, bəyənib. Daha sonra oğlu ilə nişanlısı ayrılsa da, kişi ilə 23 yaşlı qızla evlənməyə qərar verib. 

 

E.Şəkərbəyli iş adamıdır. 

 

DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov bildirib ki, yeniyetmənin nikaha daxil olması barədə Gədəbəy Polis Şöbəsinə hər hansı bir müraciət daxil olmayıb:

 

“Yayılan görüntülərdə qızın 17 yaşı olduğu qeyd edilib. Bütün bunlara baxmayaraq, araşdırma aparılır”.

 

Qeyd edək ki, gənc qızla ailə quran 50 yaşlı şəxs Gədəbəyin Əmiraslanlı (keçmiş Şəkərbəyli) kəndinin sakinidir.