Modern.az

Doktorantura ilə bağlı yeni qərar

Doktorantura ilə bağlı yeni qərar

18 Mart 2023, 17:25

Azərbaycan Prezidentinin 21 oktyabr 2022-ci il tarixli fərmanı ilə təsdiqlənən İnnovasiya və Rəqəmsal İnkişaf Agentliyinin Nizamnaməsinə əsasən, nüvə elmləri, nüvə texnologiyaları və nüvə energetikası sahəsində kompleks tədbirlərin və innovasiya fəaliyyətinin həyata keçirilməsi, nüvə və neytron fizikası, neytron radioqrafiyası, neytron spektroskopiyası, nüvə çevrilmələri, neytron optikası, nüvə tibbi, materialşünaslıq və digər istiqamətlərdə fundamental və praktiki elmi tədqiqatların aparılmasını təşkil etmək İnnovasiya və Rəqəmsal İnkişaf Agentliyinə həvalə olunub.

 

Modern.az xəbər verir ki, Nazirlər Kabineti bununla bağlı “Doktoranturalar (adyunkturalar) yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”nın Nəqliyyat, Rabitə və Yüksək Texnologiyalar Nazirliyi üzrə bölməsinin ləğvi barədə qərar qəbul edib.

 

Həmin bölmə üzrə “Milli Nüvə Tədqiqatları Mərkəzi” Qapalı Səhmdar Cəmiyyəti doktorantura (fəlsəfə və elmlər doktorları) yaradılan təşkilatlar sırasında olub.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir