İranın Xoy şəhərindən 35 km cənubda zəlzələ qeydə alınıb.
Modern.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
5.3 bal gücündə olan zəlzələnin ocağı 30 km dərinlikdə yerləşir. Dağıntıların olub-olmaması barədə hələlik məlumat verilməyib.
Məlumata görə, yeraltı təkanlar Naxçıvan Muxtar Respublikası və Türkiyənin İranla sərhəd vilayətlərində də hiss edilib.
Naxçıvan MR FHN-in mətbuat xidmətindən bildirilib ki, zəlzələ nəticəsində Naxçıvan Muxtar Respublikası ərazisində hər hansı dağıntı və ya tələfat qeydə alınmayıb.