Azərbaycanın xarici işlər naziri Ceyhun Bayramov Türkiyənin sabiq xarici işlər naziri Mövlud Çavuşoğlu ilə bağlı paylaşım edib.
Modern.az xəbər verir ki, C.Bayramov tviterdə qeyd edib:
“Türkiyə Respublikasının xarici işlər naziri vəzifəsində böyük nailiyyətlərə imza atmış, Azərbaycan-Türkiyə əlaqələrinin inkişafı naminə misilsiz xidmətləri olan qardaşım Mövlud Çavuşoğluna dərin minnətdarlığımı bildirir, gələcək fəaliyyətində müvəffəqiyyət arzulayıram!”.
Qeyd edək ki, Mövlud Çavuşoğlu Türkiyənin yeni hökumət kabinetində yer almayıb. Yeni kabinetdə onu Hakan Fidan əvəzləyib.
