“Dövlətçilik üçün vacib bir məqama nəzər yetirmək istəyirəm. Hörmətli Zahid bəy bir neçə dəfə “dördüncü respublika” ifadəsini səsləndirir. Bizim nə zaman dördüncü respublikamız olub?”
Modern.az xəbər verir ki, bu barədə Milli Məclisin bu gün keçirilən iclasında deputat Siyavuş Novruzov bildirib.
“Bu çox ziyanlı termindir. Burada tarixçilərimiz var ki, izah etsinlər ki, belə bir şey varmı? Dördüncü respublika nə zaman qurulub, görən olub? Mən şəxsən görməmişəm, izah etsinlər ki, görək dördüncü respublika nədir? Bizim üç respublikamız olub, digəri hardandır? Arzu da etmirəm ki, dördüncü respublikamız olsun”,- deyə o bildirib.
