Rusiyanın baş naziri Mixail Mişustin MDB üzvü olan ölkələrin hökumət başçılarını dekabrda Moskvada keçiriləcək görüşə dəvət edib.
Modern.az-ın məlumatına görə, bu barədə “Ria Novosti” xəbər verib.
“Mən MDB üzvü olan ölkələrin bütün hökumət başçılarını dekabrda Moskvada keçiriləcək görüşə dəvət edirəm. Biz görüşü mədəni-humanitar sahədə əməkdaşlığın perspektivlərinin müzakirəsinə həsr etməyi təklif edirik. Xalqlarımızı birləşdirən budur”, - deyə o, MDB Hökumət Başçıları Şurasının iclasında bildirib.
Xatırladaq ki, Paşinyan MDB Hökumət Başçıları Şurasının bu gün Biçşkekdə keçirilən iclasına qatılmayıb.
Toplantıda Ermənistanı baş nazirin müavini Mher Qriqoryan təmsil edib.
