Bu gün Naftalan şəhəri gündən-günə inkişaf edərək beynəlxalq turizm mərkəzinə çevrilib. Yeni açılan müasir müalicə mərkəzinin istifadəyə verilməsi şəhərin sosial-iqtisadi inkişafında da mühüm əhəmiyyət kəsb edir.
Modern.az xəbər verir ki, icra başçısı şəhərdə yeni istifadəyə verilmiş “Sun City Naftalan” sağlamlıq mərkəzində turistlərlə görüşüb. Yerli və xarici turistlər unikal sərvətə sahib olan Naftalan haqqında onları maraqlandıran suallara cavab alıblar, həmçinin mərkəzdə turist məmnunluğu üçün yaradılan şəraitə görə minnətdarlıqlarını ifadə ediblər.
Mərkəzdə yerli turistlərlə yanaşı Türkiyə, Rusiya, Qırğızıstan, Qazaxıstan və Çindən olan xarici qonaqlarda müalicə alırlar.
