ANTEC Academy-nin Ali və orta ixtisas təhsil müəssisələrində növbəti görüşü Bakı Dövlət Universitetində baş tutub.
Modern.az xəbər verir ki, BDU Tələbə Həmkarlar İttifaqı Komitesinin birgə təşkilatçılığı ilə keçirilən görüş "Süni intellekt nədir?" mövzusunda olub.
ANTEC Academy-nin rəhbəri, İT və proqramlaşdırma sahəsi üzrə mütəxəssis Günay Hüseynli, ANTEC Academy-nin təlimçiləri Data Analitik və Pyhton koç Günel Əmrahova, Frontend Developer Səxavət Qocayev və qrafik/web dizayner Süleyman Süleymanov mövzu ilə bağlı maraqlı təqdimatlar ediblər. İnteraktiv şəraitdə keçən görüşdə mütəxəssislər eyni zamanda gəncləri maraqlandıran sualları cavablandırıblar.
Qeyd edək ki, bundan əvvəlki iki "Karyeramızdakı BUG-lar" adlı proqram Bakı Biznes və Kooperasiya Kollecinin və Azərbaycan Universitetinin tələbələri ilə keçirilib. Bu platforma çərçivəsində digər ali məktəb tələbələri ilə də görüşlərin keçiriləcəyi planlaşdırılır.
