Mən 17 yaşım olarkən Füzulidən məcburi köçkün düşdüm. Bu gün isə 47 yaşımda övladlarımla birlikdə öz doğma yurduma- Füzuliyə qayıdıram.
Modern.az xəbər verir ki, bu sözləri jurnalistlərə müsahibəsində doğma yurduna qayıdan Füzuli sakini Aynur İbrahimova söyləyib.
O, bütün itirdiyi keçmişini, cavanlığını, yaddaqalan xatirələrini təzələməyə getdiyini deyib.
Uzun illər Füzulinin həsrəti ilə yaşadığını bildirən A. İbrahimova doğulub boya-başa çatdığı yerlərə qayıtdığı üçün özünü xoşbəxt hiss etdiyini vurğulayıb.
Keçmiş məcburi köçkün Xəzər rayonu Binə qəsəbəsində məskunlaşdıqlarını bildirib.
