Modern.az

Ağsaqqallar Şurası İlham Əliyevi təbrik etdi 

Ağsaqqallar Şurası İlham Əliyevi təbrik etdi 

8 Fevral 2024, 20:14

Azərbaycan Ağsaqqallar Şurası Prezident İlham Əliyevi seçkilərdə qələbə münasibətilə təbrik edib.

 

Modern.az xəbər verir ki, təbrikdə deyilir:

 

Möhtərəm Prezident!

 

Xalqımızın yüksək fəallıqla iştirak etdiyi prezident seçkilərində Sizə göstərilən möhtəşəm dəstək sayəsində 92 faizdən çox səs toplayaraq böyük üstünlüklə qələbə qa­zanmaqla yenidən Azərbaycan Respublikasının Prezidenti seçilməyiniz müna­si­bətilə Sizi Azərbaycan Ağsaqqallar Şurasının  çoxminli  üzvləri adından ürəkdən təbrik edir, Sizə möhkəm cansağlığı, tükənməz enerji, ölkə­mizin hərtərəfli yüksəlişi, xalqımızın firavanlığı və əmin-amanlığı naminə dəyərli ali dövləti fəaliyyətinizdə yeni-yeni uğurlar arzulayırıq!

 

Müstəqillik əldə etdikdən sonra ilk dəfə olaraq  bütün suveren Azərbaycanda, habelə işğaldan azad edilmiş şəhər və rayonlarımızda keçirilən növbədənkənar prezident seçkilərində vətəndaşlarımız böyük ruh yüksəkliyi ilə iştirak etdilər. Bu, doğma torpaqlarımıza qayıdan soydaşlarımızın illərlə həsrətində olduqları ən böyük  arzularından biri idi. Müzəffər Ali Baş Komandanın rəhbərliyi ilə rəşadətli Ordumuz tərəfindən 44 günlük Vətən müharibəsi və bir gündən də az davam edən antiterror tədbirləri nəticəsində işğaldan azad edilən torpaqlarımızda hazırda böyük quruculuq işləri gedir, sosial infrastuktur layihələr həyata keçirilir, hava limanları, məktəblər, idarələr, yaşayış binaları tikilir, məscidlər bərpa edilir, “ağıllı” şəhər və kəndlər salınır. “Böyük Qayıdış” proqramı  çərçivəsində məcburi köçkünlərimiz öz doğma ata-baba yurdlarına qayıdırlar. Bu gün xalqımız fəxr edir ki, müstəqilliyimizi və suverenliyimizi təcəssüm etdirən şanlı Dövlət Bayrağımız Sizin sayənizdə işğaldan azad edilən torpaqlarımızda qürurla dalğalanır.

 

Cənab Prezident!

 

Ümummilli Liderimiz Heydər Əliyevin təməlini qoyduğu siyasi kursun hazırda tərə­finiz­dən inamla və ardıcıl şəkildə davam etdirilməsi, həyata keçir­di­yiniz çoxsaylı islahatlar, ölkəmizdə gündən-günə genişlənən abad­lıq işləri, əhalinin güzəranını yaxşılaşdırmaq üçün gö­rü­lən tədbirlər, diplomatiya və ordu quruculuğu sahəsindəki yüksək nailiyyətlər, apardığınız uğurlu daxili və xarici siyasət nəticəsində Azərbaycanda hökm sürən sabitlik və əmin-amanlıq Sizə xalqımız arasında böyük nüfuz və şöhrət qazandırmışdır. Siz 20 illik məqsədyönlü və uğurlu fəaliyyətiniz nəticəsində Azərbaycanı dünyaya inkişaf etməkdə olan, hərbi, iqtisadi və digər sahələrdə qabaqcıl yerlərdən birini tutan güclü bir ölkə kimi tanıtmısınız. Bütün suveren Azərbaycanı, o cümlədən işğaldan azad edilmiş ərazilərimizi də əhatə edən növbədənkənar prezident seçkilərində böyük səs çoxluğu ilə Sizə göstərilən yüksək etimad gördüyünüz bu işlərə verilən qiymət, xalqımızın Sizə olan böyük sevgisinin bariz  nümunəsidir.

 

7 fevral 2024-cü ildə beynəlxalq standartlara uyğun  keçirilən azad, ədalətli, demokratik və ən əsası Azərbaycan xalqının iradəsini əks etdirən prezident seçkiləri vətəndaşlarımızın Sizə olan inamını və etimadını bir daha sübut etdi. Hər zaman Sizi ürəkdən dəstəkləyən, respublikamızın gələcək uğurlarının təntənəsinə, Vətənimizin çiçəklənməsinə səs verən, qədirbilən xalqımızın önündə gedən Azərbaycan ağsaqqalları da ölkəmizin gələcək inkişafı naminə apardığınız siyasətin davam etdirilməsini zəruri hesab edərək seçki kampaniyasında fəal iştirak etmişlər. Azərbaycan Ağsaqqallar Şurasının şəhər, rayon və qəsəbə təşkilatlarında birləşən on minlərlə üzvü  təbliğat-təşviqat işinin uğurlu və məqsədyönlü aparılmasında böyük fədakarlıqlar göstərmişlər. Seçkilərdə yüksək əzmkarlıq nümayiş etdirən müdrik ağsaqqallarımız yekdilliklə Azərbaycanın güclü və alternativsiz Liderinə - Sizə səs  vermişlər. Çünki Sizə səs vermək - Azərbaycan dövlətçiliyinə, ölkəmizin uğurlu gələcəyinə, davamlı inkişafa, sabitlik və əmin-amanlığa səs vermək deməkdir.

 

Möhtərəm Prezident!

 

Bütün vətəndaşlarımız kimi, Azərbaycan Ağsaqqallar Şurasının hər bir üzvü də Sizin xalqımıza olan daimi diqqət və qayğınızı yüksək qiymətləndirir, ölkəmizin hər bir vətəndaşının sosial-maddi rifahını daha da yüksəltmək üçün apardığınız siyasəti ürəkdən bəyənərək və dəstəkləyərək, xeyirxah və ülvi məqsədlərə xidmət edən bu fəaliyyətinizdə Sizə Allahdan möhkəm cansağlığı, uzun ömür və xoşbəxtlik arzulayır, Sizi şərəfli və layiqli qələbəniz – Azərbaycan Respublikasının  Prezidenti seçilməyiniz mü­nasi­bə­­tilə səmimi-qəlbdən təbrik edir, Azər­bay­ca­nın daha qüdrətli dövlətə çevrilməsi, ölkəmizin tərəqqisi, rifahı və ali məqsədlərimizin real­­laşdırılması yolunda gördüyünüz bütün işlərdə davamlı nailiyyətlər diləyir! Əminik ki, ölkəmiz bundan sonra da Sizin başçılığınız ilə əmin-amanlıq şəraitində inamlı inkişaf yolu ilə  gedəcək, yeni-yeni uğurlara imza atmaqla müdrik, qətiyyətli və uzaqgörən siyasətiniz Azər­baycanımızı daha parlaq gələcəyə qovuşduracaqdır!

 

Uca Allahın kölgəsi heç zaman Sizin üzərinizdən əskik olmasın! Allah Sizi qorusun!

 

Dərin hörmət və səmimiyyətlə, Azərbaycan Ağsaqqallar Şurasının çoxminli üzvləri adından Şuranın sədri, millət vəkili, professor Eldar QULİYEV!

Dərin hörmət və səmimiyyətlə,

 

Eldar QULİYEV

Azərbaycan Ağsaqqallar Şurasının çoxminli üzvləri adından Şuranın sədri,

millət vəkili, professor                    

Twitter
Sizə yeni tvit var
Keçid et
TƏCİLİ! Bayrağımız Qazaxın kəndlərində qaldırıldı