Modern.az

Azərbaycanla bağlı qiymətləndirmə hesabatı dərc edildi

Azərbaycanla bağlı qiymətləndirmə hesabatı dərc edildi

12 Fevral 2024, 17:14

Avropa Şurasının Çirkli Pulların Yuyulması və Terrorizmin Maliyyələşdirilməsi ilə Mübarizə Tədbirlərinin Qiymətləndirilməsi üzrə Ekspertlər Komitəsi (MONEYVAL) Azərbaycanla bağlı qiymətləndirmə hesabatını dərc edib. 

 

Modern.az xəbər verir ki, hesabatda ölkənin Maliyyə Fəaliyyəti üzrə İşçi Qrupu (FATF) tərəfindən hazırlanmış standartlara uyğunluğu hərtərəfli qiymətləndirilib.

 

MONEYVAL Azərbaycan hakimiyyətini çirkli pulların yuyulması, terrorizmin maliyyələşdirilməsi və kütləvi qırğın silahlarının yayılmasının maliyyələşdirilməsi ilə mübarizə tədbirlərini daha da gücləndirməyə çağırıb. 

 

Azərbaycanı sonuncu qiymətləndirdiyi 2014-cü ildən bəri ölkə çirkli pulların yuyulmasına və terrorçuluğun maliyyələşdirilməsinə qarşı mübarizə üçün hüquqi və institusional bazanı gücləndirmək üçün bir sıra tədbirlər həyata keçirib və çirkli pulların yuyulmasına və terrorçuluğun maliyyələşdirilməsinə qarşı mübarizə elementlərini həyata keçirməyə başlayıb.

 

MONEYVAL qeyd edir ki, Azərbaycan terrorizmin maliyyələşdirilməsi ilə mübarizədə mühüm effektivlik səviyyəsinə nail olub və hakimiyyət terrorizmin maliyyələşdirilməsi ilə bağlı cinayətləri uğurla araşdırmaq qabiliyyətini nümayiş etdirib.

 

Beynəlxalq əməkdaşlığa gəlincə, Azərbaycan əhəmiyyətli dərəcədə effektivliyə nail olub və hakimiyyətin konstruktiv yardım göstərmək və axtarmaq bacarığına görə yüksək qiymətləndirilib.

 

Azərbaycan 2025-ci ilin dekabrında çirkli pulların yuyulmasına və terrorçuluğun maliyyələşdirilməsinə qarşı mübarizə tədbirlərinin gücləndirilməsi üzrə irəliləyişlər barədə MONEYVAL-a hesabat verəcək.

Youtube
Kanalımıza abunə olmağı unutmayın!
Keçid et
Kəlbəcərdə Ordumuzun qarşısına çıxan şirkət “vuruldu”