Goranboy rayonunda sakinlərin mənzil şəraitinin yaxşılaşdırılması istiqamətində həyata keçirilən əsaslı işlər davam etdirilir.
Modern.az xəbər verir ki, bu məqsədlə, hazırda Aşağı Ağcakənd qəsəbəsində 16 mənzilli 2 yaşayış binası əsaslı təmir olunur, dam örtükləri dəyişdirilir.
Rayon İcra Hakimiyyətinin başçısı Məhərrəm Quliyev aidiyyəti məsul şəxslərlə birgə, aparılan işlərlə yerində tanış oldu, sakinlərlə görüşdü, onların sosial qayğıları ilə maraqlandı. İcra Başçısı aparılan işlərin keyfiyyətlə və müvafiq tikinti normalarına uyğun həyata keçirilməsi, gələcəkdə binaların elektrik enerjisi, təbii qaz, su, rabitə və kanalizasiya xəttləri ilə təmin olunması ilə bağlı göstəriş və tövsiyyələrini bildirdi.
