Modern.az

BMU tələbələrinin layihələrindən ibarət sərgi-təqdimat keçirilib

BMU tələbələrinin layihələrindən ibarət sərgi-təqdimat keçirilib

23 Fevral 2024, 15:56

Bakı Mühəndislik Universitetində (BMU) “Mühəndis hazırlığında nəzəri biliklərlə yanaşı praktiki bacarıqların rolu” mövzusunda sərgi-təqdimat keçirilib.

 

Universitetin Avtomatika, telekommunikasiya və energetika kafedrasının 5 illiyinə həsr olunmuş tədbirdə professor-müəllim heyəti və tələbələr, Sənaye və İnnovasiyalar üzrə Bakı Dövlət Peşə Təhsil Mərkəzinin nümayəndələri və digər qonaqlar iştirak ediblər.

 

BMU-nun rektoru Yaqub Piriyev müasir çağırışlar və qlobal tendensiyalar fonunda həm ali, həm də peşə təhsili müəssisələrində rəqabətqabiliyyətli kadr hazırlığının vacib məqamlarına, eyni zamanda qoyulan hədəflərə nail olunması üçün təhsil müəssisələri arasında əməkdaşlığın gücləndiirlməsinə diqqət çəkib.

 

Sənaye və İnnovasiyalar üzrə Bakı Dövlət Peşə Təhsil Mərkəzində də İKT, elektronika, elektrik mühəndisliyi, avtomatlaşdırma və inşaat kimi vacib istiqamətlər üzrə kadr hazırlığının aparıldığını xatırladan rektor Mərkəzin məzunlarının gələcəkdə təhsillərini eyni istiqamətlər üzrə BMU-da davam etdiricəklərinə ümidvar olduğunu söyləyib. Sərgi-təqdimatın təşkili və tələbələrin bu prosesdə fəallığını yüksək dəyərləndirən rektor onlara uğurlar arzulayıb.

 

Çıxışlardan sonra sərgiyə baxış keçirilib, eləcə də Avtomatika, telekommunikasiya və energetika kafedrasının baş müəllimləri Fəxrəndə Məmmədova və Hamed Kağazçınin rəhbərliyi ilə tələbələrin hazırladıqları qurğuların, maketlərin təqdimatı edilib.

 

Sərgi iştirakçıları “Arduino ilə işıq detektorlu günəş paneli”, “Simsiz enerji ötürülməsi”, “Arduino ilə insan izləyən robot”, “Arduino ilə zibil qutusunun idarə edilməsi”, “Piano dizaynı”, “Ev heyvanlarını bəsləmək üçün Wi-Fi cihazı” nümayiş etdirilib. Həmçinin sərgi çərçivəsində qonaqlar “Barmaq izinə əsaslanan biometrik davamiyyət sistemi”, “Xətt izləyən robot”, “Su səviyyəsinin göstəricisi”, “RED ağıllı plant”, “Elektrik enerjisinin kəsilməsi zamanı, internetin fasiləsizliyi üçün modemin ekstra güc qaynağı ilə təmin edən qurğu”, “Təkminləşdirilmiş idarəetmə qurğusunun hazırlanması” kimi maraqlı layihələrlə tanış olublar.

 

Sərgi-təqdimatda nümayiş olunan layihələr tədbir iştirakçıları və ziyarətçilər tərəfindən böyük maraqla qarşılanıb.

Telegram
Hadisələri anında izləyin!
Keçid et
TƏCİLİ! İranın şəhərlərinə kütləvi zərbələr edilir