Son zamanlar televiziya proqramlarındakı bir sıra şou xarakterli verilişlərlə bağlı tənqidlərin sayı durmadan artır. Xüsusilə bu tipli proqramlarda həddindən artıq bayağılıq, eləcə də ictimai maraq doğurmayan məsələlərin ekspertlərin iştirakı ilə müzakirəyə çıxarılması etirazları daha da artırır.
Modern.az-ın məlumatına görə, bununla bağlı növbəti kəskin fikirlər "MediaTürk TV"də yayımlanan "Gündəm Masada" verilişində səsləndirilib.
Canlı yayımda qonaq olan tədqiqatçı alim Zaur Əliyev tanınmış aparıcılardan Zaur Baxşəliyevlə Xoşqədəm Hidayətqızına müraciət edib.
"Bir gün sizin övladlarınız da cəmiyyətimiz üçün efirlərinizdə təqdim etdiklərinizin qurbanına çevrilərsə, çıxıb etiraz etməyin.Çünki sel gələndə heç kimə baxmır.Buna görə də indidən verilişlərinzi səliqəyə salın, etik qaydalara riayət edin" - deyə Zaur Əliyev vurğulayıb.
Daha ətraflı aşağıdakı videoda:
Heydər İsmayılov
