Modern.az

MDB Hökumət Başçıları Şurasının iclası bu ölkədə keçiriləcək

MDB Hökumət Başçıları Şurasının iclası bu ölkədə keçiriləcək

26 Fevral 2024, 14:36

Müstəqil Dövlətlər Birliyinin (MDB) Hökumət Başçıları Şurasının iclası bu il mayın 24-də Türkmənistanın Aşqabad şəhərində keçiriləcək.

 

Modern.az xəbər verir ki, bu barədə MDB İcraiyyə Komitəsinin mətbuat xidməti məlumat yayıb.

 

Məlumatda qeyd olunub ki, Birliyə üzv dövlətlərin Səlahiyyətli Daimi Nümayəndələri Şurasının üzvləri fevralın 27-də Belarusun paytaxtı Minsk şəhərində keçiriləcək iclasda mayın 24-də Aşqabadda keçiriləcək MDB Hökumət Başçıları Şurasının iclasının gündəliyini nəzərdən keçirəcək.

 

Daimi Nümayəndələrin həmçinin, MDB Dövlət Başçıları Şurası, Hökumət Başçıları Şurası, Xarici İşlər Nazirləri Şurası və İqtisadi Şuranın iclaslarında nümayəndə heyətlərinin rəhbərləri tərəfindən irəli sürülmüş təşəbbüslərin reallaşdırılması üzrə yol xəritələrinin yol xəritəsinin icrasını müzakirə edəcəklər.

 

Xatırladaq ki, MDB Hökumət Hökumət Başçıları Şurasının son iclası ötən ilin oktyabr ayında Bişkekdə keçirilib.

Youtube
Kanalımıza abunə olmağı unutmayın!
Keçid et
ANBAAN: Ermənistan Müdafiə Nazirliyinin binası partladılıb