Modern.az

Energetika naziri əlcəzairli həmkarı ilə GÖRÜŞDÜ

Energetika naziri əlcəzairli həmkarı ilə GÖRÜŞDÜ

3 Mart 2024, 12:23

Energetika naziri Pərviz Şahbazov Qaz İxrac edən Ölkələr Forumunun VII (GECF) Zirvə Toplantısı çərçivəsində Əlcəzairin energetika və mədən naziri Məhəmməd Arkab ilə görüşüb.

 

Modern.az-ın Energetika Nazirliyinə istinadən verdiyi məlumata görə, görüşdə GECF, “OPEC+” çərçivəsində, həmçinin ikitərəfli formatda əməkdaşlığın konstruktiv məcrada inkişafından məmnunluq ifadə edilib.

 

Neft-qaz ölkələri olan Azərbaycanla Əlcəzairin enerji sahəsində əməkdaşlığının cari vəziyyəti nəzərdən keçirilib. 2022-ci ildə Azərbaycan ilə Əlcəzair arasında imzalanmış neft və qaz sahəsində əməkdaşlıq haqqında Anlaşma Memorandumuna müvafiq olaraq Birgə İşçi Qrupunun yaradılması prosesinin sürətləndirilməsi razılaşdırılıb.

 

Həmçinin SOCAR və “Sonatrach” şirkətlərinin əməkdaşlığının genişləndirilməsi, Hökumətlərarası Komissiyanın yaradılması ilə bağlı məsələlər də müzakirə edilib.

 

Energetika naziri əlcəzairli həmkarını Azərbaycana səfərə dəvət edib.

Instagram
Gündəmdən xəbəriniz olsun!
Keçid et
Əliyev Putinlə görüşə gedir