Modern.az

Polşalı professorlar BMU tələbələrinə mühazirə oxuyublar

Polşalı professorlar BMU tələbələrinə mühazirə oxuyublar

18 Aprel 2024, 14:56

Polşa Respublikasının Vroclav Biznes Universitetinin professorları İzabella Qruzska və Radosłav Milevski Erasmus+ KA1 mübadilə proqramı çərçivəsində Bakı Mühəndislik Universitetində (BMU) olublar.

 

Universitetin kampusu, maddi-texniki bazası, laboratoriyaları ilə yaxından tanış olan polşalı professorlar BMU-nun müəllim və tələbə heyəti ilə görüşüb, müxtəlif mövzularda müzakirələr aparıblar. Eyni zamanda İzabella Qruzska İqtisadiyyat və idarəetmə fakultəsinin tələbələrinə “Polşanın əsas turistik yerləri”, Radosłav Milevski isə Mühəndislik fakültəsinin tələbələrinə “Qara qu quşu dövründə logistika” mövzusunda mühazirə oxuyub.

 

Ali təhsil sahəsində layihə üzrə tərəfdaşların davamlı inkişafının təşviqi, həmçinin mədəni mübadilə, akademik zənginləşmə və beynəlxalq əlaqələri genişləndirmək məqsədi daşıyan səfər bir həftə davam edəcək.

 

Qeyd edək ki, BMU Erasmus proqramı çərçivəsində Vroclav Biznes Universiteti ilə yanaşı, Avropanın bir çox ali təhsil müəssisələri ilə tərəfdaşlıq edir. 

 

Facebook
Dəqiq xəbəri bizdən alın!
Keçid et
Rusiya şokda-Ukrayna dağıdıcı raketlərlə hücuma keçdi